SUT I ARBED ARIAN GYDAG UN NEWID I OSODIADAU EICH BOELER

Gall troi tymheredd llif eich boeler combi i lawr i 60°c neu’n is dynnu £££ oddi ar eich bil gwresogi bob blwyddyn a lleihau gwastraff ynni o’ch cartref.

Trowch dymheredd eich boeler i lawr heddiw

Boiler owner turning down their flow temperature to 60 degrees

Target
250,000

87 217293

DYNA FAINT O BOBL SYDD WEDI TROI TYMHEREDD LLIF EU BOELER I LAWR

Os byddai 10 miliwn o aelwydydd yn troi tymheredd llif eu boeleri combi i lawr i 60°c neu’n is, gallai hyn dynnu £1biliwn oddi ar filiau ynni’r Deyrnas Unedig ac arbed 1.7 miliwn tunnell o allyriadau carbon – gyfwerth â bron chwe miliwn taith ar draws yr Iwerydd mewn awyren.

Trowch dymheredd eich boeler i lawr heddiw

ARBEDWCH AR EICH BIL NWY

Bydd newid un gosodiad yn gwneud i’ch boeler weithio’n fwy effeithlon, gan arbed oddeutu £112 y flwyddyn ar gyfer aelwyd arferol.

LLEIHAU ALLYRIADAU CARBON

Mae boeler nwy arferol yn y Deyrnas Unedig yn cynhyrchu yr un faint o allyriadau carbon mewn blwyddyn â saith taith mewn awyren ar draws yr Iwerydd. Bydd y cam syml hwn yn lleihau gwastraff ynni o’ch cartref.

DWEUD WRTH FFRINDIAU A THEULU

Mae gan fwy na 15 miliwn o gartrefi yn y Deyrnas Unedig foeler combi. Os byddwn yn lledaenu’r neges ac yn cydweithio i droi lawr 10 miliwn o foeleri gallwn arbed 1.7 miliwn tunnell o allyriadau carbon.

PAM MAE HYN YN BWYSIG?

Mae nifer o foeleri combi yn llosgi mwy o nwy, yn cynhyrchu mwy o allyriadau carbon ac yn costio mwy i aelwydydd yn ddiangen. Gallai pobl fod yn arbed ynni ac arian yn syml drwy sicrhau bod eu boeleri yn gweithredu mor effeithlon â phosibl. Ond nid yw llawer o bobl yn ymwybodol y gallant newid osodiadau eu boeler.

Ar hyn o bryd, gallai aelwyd arferol arbed oddeutu £112 y flwyddyn ar eu bil gwresogi drwy leihau tymheredd llif eu boeler. Mae gwresogi cartrefi gyda thanwydd ffosil yn gyfrifol am 15% o allyriadau carbon y Deyrnas Unedig. Felly, drwy ddefnyddio ynni’n fwy effeithlon, gallwn leihau allyriadau carbon ac arbed arian ar ein biliau gwresogi ar yr un pryd.

MEWN PARTNERIAETH … Â

Sut mae’n gweithio?

Mae boeleri combi yn gweithio orau wrth wresogi’r dŵr sy’n mynd i’r rheiddiaduron i 60°C neu’n is (gelwir hyn yn ‘dymheredd llif’).

Mae tymheredd llif mwyafrif y boeleri yn y Deyrnas Unedig wedi’u gosod lawer yn uwch na 60°C (70-80°C yn aml).

Mae tymheredd llif o 60°C yn golygu y bydd eich boeler combi yn y modd cyddwyso. Pan mae eich boeler combi yn y modd cyddwyso bydd yn adfer gwres a fyddai fel arall yn cael ei golli, fel ei fod yn gweithredu’n fwy effeithlon.
Beth yw tymheredd llif boeler?

Y tymheredd llif yw’r tymheredd mae’r boeler yn gwresogi dŵr iddo cyn ei bwmpio o amgylch rheiddiaduron eich cartref.

Ni fydd newid tymheredd llif boeler combi yn effeithio ar dymheredd y dŵr poeth o’ch tapiau a’ch cawod.
Ydw i’n gallu gwneud hyn os oes gen i danc dŵr poeth?

Gwaetha’r modd ni allwn awgrymu eich bod yn lleihau tymheredd llif eich boeler os oes gennych danc dŵr.

Ar hyn o bryd, nid yw ein canllaw yn trafod systemau gwres canolog sydd â thanc dŵr poeth. Gallwch ddarllen mwy am hyn yn Which.co.uk